Në ditën e Rinisë,Ministria e Mirëqënies Sociale dhe Rinisë ka inaguruar zyrën rajonale rinore ballkanike. Kjo zyrë synon të vendosë marrëdhënie më të afërta mes vendeve të Ballkanit përsa i përket iniciativave rinore. Si nismë ajo është mbështetur nga asistenca franko-gjermane dhe synon të përmirësojë iniciativat rinore të vendeve të ballkanit.
Në fjalën e mbajtur në këtë aktivitet kryeministri Rama ka falenderuar asistencën franko-gjermane për ndërtimin e kësaj zyre.
‘’Është e rëndësishme të krijojmë ura komunikimi të përbashkëta’’ , ka thënë Rama duke maksimalizuar rolin që Rinia ka në proçeset integruese të vednit.
‘’Falë angazhimit të të rinjve në vitet ’90, vendi yne mori një drejtim të ri. Ballkani nuk është më fuçia e barutit të Europes, ka qenë vendi i konfliktit dhe luftrave. Sot jemi në një kontekst tjetër, jemi në një atmosferë paqeje dhe bashkëpunimi edhe pse nuk jemi dakord në çdo gjë, prandaj është e rëndësishme të krijojmë rrugën e bashkëpunimit’’, është shprehur kryeministri Rama.
Në takim kanë qenë të pranishëm përfaqësues nga të gjitha vendet e Rajonit.
