Kryeministri Rama para pak minutash ka vizituar zonën e Kutallisë në Berat ku ka premtuar se do të ketë investime për këtë zonë, duke theksuar se falë punës dhe pastrimit të kanaleve kulluese fushat prodhuese nuk u përmbytën këtu.
“Në zonën e Kutallisë, një pikë strategjike për eksportet bujqësore ku njerëz punëtorë i janë përkushtuar prodhimit të tokës dhe këtë herë, falë investimeve mbrojtëse të lumit dhe punës së jashtëzakonshme në pastrimin e sistemimin e kanaleve kulluese, nuk kanë dëme në fushat e tyre prodhuese! Respekt!”, thotë ai.
Ai u ka premtuar edhe më shumë investime banorëve të kasaj zone me fillimin e zbatimit të buxhetit të vitit 2018.
“Shqipërinë s’e kemi ‘Ferrari’, e kemi Fiat Punto’, te vogel, avash avash’, tha ai.
Ndërkohë që si tifoz juventin kryeministri thumboi erdhe një tifoz të Interit “ Hë më Interin qënke ti, bëni qejf edhe pak se atje ku keni qenë do përfundoni”, tha Rama.
Interi është në vend të parë në Serie A pas fitores së sotme me 39 pikë, ndërsa Napoli në vend të dytë me 38 pikë dhe Juventusi në vend të tretë me 37 pikë. (B.H/Faxweb)
Discussion about this post