Rreth një orë më parë, kryeministri Edi Rama kaloi përballë çadrës që prej 16 ditësh nga mbledhur të gjithë mbështetësit e opozitës, kryesisht Partisë Demokratike, ku çdo ditë Lulzim Basha ka mbajtur fjalime dhe qytetarë të ndryshëm kanë folur.
Në ditën e 16 të protestës, kreu i Qeverisë zgjodhi të kalojë përballë “Çadrës së Lirisë”, një ditë pas deklaratës së tij ku u ofrua të shkonte në çadër vetëm për t’i hapur rrugë Vettingut dhe pak orë pas deklaratës së Bashës, i cili i tha se derën e ka të hapur nëse lejon krijimin e qeverisë teknike.
Kalimi i tij nga Kryeministria tek një lokal i zonës u shoqërua me fishkëllima dhe thirrje “kriminel”, “hajdut”, “Ik Rama”.
Teksa Edi Rama vazhdon të jetë brenda ambienteve të një lokali pranë “Sheshit të Lirisë”, protestuesit e kanë rrethuar atë me të tjera postera. Mes deputetëve e kryebashkiakëve të korruptuar, bie në dy edhe Erjon Veliaj me fiq në duar.
Këto reagime janë shndërruar tashmë në tipike të protestuesve që ditë pas dite reagojnë ndaj qeverisë përmes akteve të ndryshme. (XH.A/SHUPLAKA)
Discussion about this post