Rama në New York, takon Sekretarin e Përgjithshëm të OKB-së

Prej disa ditësh kryeministri Edi Rama vazhdon të jetë në Nju Jork, për mbledhjen e asamblesë së Kombeve të Bashkuara.

Gjatë vizitës së tij në SHBA, Rama është takuar me shefin e Organizatës së Kombeve të Bashkuara, Antonio Guterres.

Në takimin e sotëm, shefi i OKB-së përgëzoi Shqipërinë në arritjen e objektivave dhe integrimin e vendit, avancimit të Qëndrueshëm në Strategjinë Kombëtare për Zhvillim, bëjnë të ditur media të ndryshme.

Po ashty, dy palët diskutuan mbi pikëpamjet e tyre mbi situatën politike dhe të sigurisë në të gjithë Ballkanin Perëndimor.

Ndërkohë, zyra e shtypit të Ramës, shprehet se kryeministri, ka folur edhe për Kosovën, anëtarësimin e saj në UNESCO dhe organizata të tjera ndërkombëtare, me zyrtarët e lartë të OKB-së. (D.D/Shuplaka)