Ministrja e Shtetit për Marrëdhëniet me Parlamentin, Elisa Spiropali është pjesë e delegacionit në Samitin e Komunitetit Politik Evropian që po mbahet në Mbretërinë e Bashkuar.
Spiropali ka publikuar disa foto nga shihet kryeministri Edi Rama në një tavolinë me Presidentin e Këshillit Europian, Charles Michel dhe kryeministrin e Greqisë, Kyriakos Mitsotakis.
“Blenheim Palace, Mbretëria e Bashkuar Në margjina të Samitit të Komunitetit Politik Europian, me Presidentin e Këshillit Europian, Charles Michel dhe kryeministrin e Greqisë, Kyriakos Mitsotakis”, shkruan ministrja.
Më herët kryeministri Edi Rama u prit në Oxford nga kryeministri i ri i Britanisë së Madhe, Keir Starmer.
Kujtojmë që në fokus të diskutimeve të liderëve evropianë do të jetë lufta në Ukrainë, siguria dhe demokracia, ndërsa për herë të parë kjo mbledhje do të drejtohet nga kryeministri i ri Britanik Keir Starmer, i cili do të mbajë edhe fjalën hapëse.
Do të jenë 2 tryezat e rrumbullakëta që do të mbahen në këtë takim; një për emigracionin e paligjshëm që do të bashkëdrejtohet nga Giorgia Meloni dhe Kryeministri Rama; dhe një tjetër për mbrojtjen dhe sigurimin e demokracisë që do të bashkëkryesohet nga Presidenti Charles Michel dhe Presidenti malazez Jakov Milatoviç.
Discussion about this post