Rama në Singapor: Barrierat gjeografike janë justifikim. Në 3 vite qeveria shqiptare arriti shumë

Në ditën e dytë të vizitës së tij zyrtare në Singapor, kryeministri Edi Rama, ka mbajtur fjalën e tij në Forumin Ekonomik të zhvilluar në Singapor.

Gjatë kësaj fjale, kreu i Qeverisë shqiptare renditi arritjet e Qeverisë gjatë tre viteve në pushtet. Ai u shpreh se me reformat e thella, janë arritur rritje të qëndrueshme, duke përmendur këtu edhe indeksin e “Doing Business” ku Shqipëria renditej e 58-a.

Kryeministri Edi Rama vlerësoi sektorin e turizmit në Shqipëri, duke u shprehur në Forumin e mbajtur në Singapor se Shqipëria cilësohet në botë si një vend që duhet zbuluar.

“Jemi vend me një potencial të lartë hidroenegjetik. Të shfrytëzojmë avantazhet e ekonomive të dy vendeve. Barrierat gjeografike janë justifikim. Shqipëria është një vend fantastik sa i përket turizmit. Ajo përmendet në mbarë botën si një vend që duhet zbuluar.”, u shpreh ndër të tjera Rama. (XH.A/SHUPLAKA)