Kryeministri Edi Rama është në një takim zyrtar në Kroaci ku ka takuar homologun kroat Andrej Plenkovic. Në konferencën e përbashkët për shtyp, Rama u shpreh se së bashku me Kroacinë po ngrihet një grup i përbashkët pune për gazsjellësin adriatiko-jonian.
Gjithashtu me rëndësi në bashkëpunimin mes dy vendeve është edhe procesi i anëtarësimit të Shqipërisë në BE dhe mbajtja e samitit të Berlinit në Tiranë në mes të këtij muaji. Kroacia është mbështetëse e palëkundur e këtij procesi me rëndësi për vendin tonë.
Edi Rama: Kemi prekur temën e një sektori strategjik si energjia të kombinuar me infrastrukuturën jemi pjesë e të njëjtit plan për korridorin adriatiko-jonian. Kryeministri na ka informuar që qeveria ka firmosur për ndërtimin e korridorit nga ana e Kroacisë jemi në procesin e vijimit të kontratave për pjesën kreysore të këtij sektori kemi diskutuar se si do ta përfshijmë këtë proces. Ngritjen e një grupi të përbashkët pune për gazsjellësin adriatiko jonian. Me një ofertë të unifikuar për një korridor kaq të rëndësishëm strategjik jo vetëm për Europën. Së bashku me Kroacinë jemi anëtarë të NATO-s, jemi në pozicione 100% të njëjta në raport me agresionin rus në Ukrainë si dhe domosdoshmërinë e normalizimit të marrëdhënieve në rajon, të një rajoni të qëndrueshëm. Dua të prek Samitin e Berlinit në mesin e tetorit në Tiranë, ku Kroacia është një nga anëtarët e BE-së që e shoqëron këtë proces dhe është mbështetëse e palëkundur e këtij procesi.
Discussion about this post