Kryeminstri Edi Rama ka folur sot në ceremoninë e festimit të 105-vjetorit të krijimit të Forcave të Armatosura, ku nuk ka lënë pa i falenderuar ata për rolin që patën në shmangien e pasojave të përmbytjeve.
Rama iu premtoi ushtarakëve se nga viti 2019 do të kenë një rritje të konsiderueshme pagash.
“Nuk mund të kremtojë në mënyrën më kuptimplotë sesa në vijën e parë. Kjo nuk është një festë vetëm e njerëzve nën uniform dhe e familjeve të tyre po e gjithë Shqipërisë. Sot ja vlen të kujtohet vendimi që nga kjo festë buron.
Vendimi i parë i marrë nga qeveria e Ismail Qemalit, pak ditë pas krijimit të shtetit. Ushtria është kolona e parë e ndërtimit të shtetit. Unë sot jam i nderuar dhe i respektuar që jam sot këtu para jush, për të falenderuar të gjithë ju për atë që keni bërë për shtetin nën flamurin kombëtar.
Këto ditë e gjithë Shqipëria e ndoqi me shqetësim dhe e pa me admirim ushtrinë shqiptare në përpjekjet për të qenë pranë të gjithë motrave dhe vëllezërve që u prekën nga përmbytjet. Në përpjekjet tuaja për të shpëtuar çdo jetë njerëzore.
E para rritje e konisderueshme për vitin 2019 është rritja e konsiderueshme e pagave të ushtarëve. Kjo është dita e mirëkuptimit të të gjithëve ju, se gjithçka që duam nuk është e mundur kur duam dhe duhet”, u shpreh Edi Rama.
(E.K/FAXWEB)
Discussion about this post