Rama nga Lushnja tregon se kur nisi krisja me Metën

Kryeministri Rama ka komentuar përsëri përplasjet politike dhe arsyet se pse ai u prish me aleatin e tij qeverisës Ilir Metën.

Rama ka dekloaruar se krisja me Ilir Metën erdhi në kohën kur do votohej reforma në drejtësi. Sipas Ramës forcat e tjera politike janë kundër PS për shkak të reformës në drejtësi.

Rama ka përsëritur përsëri se PS është garanci që të zbatohet reforma në drejtësi.

“Kush nuk e ka kuptuar pse të tjerët janë kundër nesh, ju them se ata mendojnë se reforma në drejtësi nuk do zbatohet deri në fund. Krisja ka nisur kur duhej votuar reforma në drejtësi”-tha Rama.

kryeministri komentoi edhe spotin e fundit elektoral të PD, ku ai shfaqet me një makinë dhe aksidentohet.

“Nuk është punë timoni, se më janë qepur këta të partisë së patentave që unë s’di t’i jap makinës. Unë nuk udhëtoj me makinë, por ju them se timonin e qeverisjes o ja jepni partisë që është mishërim i këtij flamuri kuqezi, ose e kemi të pamundur të bëjmë reformën edhe më të vështirë se sa ajo e drejtësisë që do nxjerrë zullumqarët e pushtetit”, u shpreh Rama. (B.H/Shuplaka)