Gjatë komunikimit të sotëm javor me qytetarët në Facebook, kryeministri Edi Rama i është përgjigjur me ironi deputetit të LIBRA-s, Ben Blushi, duke e futur mes politikanëve që e shohin OSHEE-në si një bandë që drejtohet nga krimi dhe që i shërben krimit.
Rama i ka quajtur sulme të ulëta e shpifje të disave që duan të kapin një karrige deputeti duke u bërë pjesë e politikës së baltës.
“Të mos e harrojmë sidoqoftë që ky ishte viti i heqjes përfundimtare të amorfeve. Sot, askush nuk paguan çfarë i do qejfi kompanisë por secili i përgjigjet kompanisë vetëm për faturën që tregon sahati. E vetmja gjë që fatkeqësisht vazhdon njësoj si ditën e parë a thua se asgjë s’ka ndodhur është avazi i sulmeve aforfe të kundërshtarëve politikë të qeverisë ndaj OSHEE-së. Sulme të ulëta, shpifje që nuk pushojnë, akuza që përsëriten pafund në orvatjen e dëshpëruar të atyre që e zhytën sektorin e energjisë në gropën e thellë të një rrënimi të vazhdueshëm apo disave që duan të kapin një karrige deputeti duke u bërë pjesë e politikës së baltës dhe duke u kapur pas baltës si i mbyturi pas fijes së barit”, tha Rama.
Gjatë komunikimit të sotëm Ramai ka dha një lajm të mirë për mbi 66539 pensionistë në vend, ku përveç shpërblimeve të fundvitit do tu zerohen edhe kamatëvonesat e energjisë elektrike. (A.R/SHUPLAKA)
Discussion about this post