Sikur të mos mjaftonte përdorimi i shprehjeve të dikatorit Enver Hoxha, që të pranishmit në Sheshin Skënderbej të mbyllnin çadrat, se nuk ishin sheqer të treteshin, kryeministri Edi Rama ka bërë një gjest të shëmtuar mbrëmjen e djeshme, teksa në sy të fëmijëve ka ngritur gishtin e mesit.
Gjesti i Ramës i drejtohej disa të rinjve që po thërrisnin në kor fjalët ‘’turp, turp” ndaj tij, ndërkohë që kamera e ERTV-së është kujdesur që në këto momente të ketë një plan të largët të Ramës, e megjithatë gishti i tij që ngrihet lart, arrihet që të fiksohet në sfond.
Në foton e mëposhtme të siguruar nga Faxweb.al shihet një tjetër kënd i gjestit të Ramës, ndërsa pas shpatullave të tij gjenden fëmijë që si kalojnë më shumë se 10-12 vjeç, ndërsa Erion Veliaj i Bashkisë së Tiranës, sheh me sytë plot ndriçim shefin e tij.
Rama është përpjekur që ta kalojë situatën duke thënë se personat që dëgjoheshin në sfond morën atë që meritonin.
“Mbyllini ato çadrat se nuk jeni dhe sheqer që të shkriheni, shumë të ëmbël jeni, po sheqer nuk jeni. Ja urdhëro, gratë mbyllin çadrat burrat jo, Gjithsesi…. Për të mos prishur syrin e keqin, kemi dhe tre katër harrjupelë këtu, unë nuk dua ta zgjas, dua tiu uroj një vit të ri të gëzuar, si këto drita që do ndizen”, tha Rama.
(E.K/Faxweb.al)
Discussion about this post