Edi Rama drejt zyrës së Ilir Metës por devijon rrugën. Kryeministri zakonisht ka zgjedhur hyrjen e pasme, por kësaj here ka hyrë nga kryesorja për shkak të disa protestuesve të pranishëm.
Me sa duket Rama nuk ka dashur të përballet me ankesat e tyre, teksa ka hyrë i qetë për te kryetari i Kuvendit dhe njëkohësisht partneri i tij në koalicionin qeverisës.
Rama nuk ka bërë asnjë koment për propozimin e kryedemokratit Basha lidhur me Vettingun, edhe pse u pyet nga mediet.
Dje u vu re një tendencë e Ramës për t’u afruar edhe më shumë me Metën, kur e komplimentoi në sy të të gjithë veteranëve, të cilët i kishte ftuar për një drekë me rastin e 29 nëntorit.
Megjithatë ende nuk ka asnjë informacion rreth asaj që do flasë ballë përballë dyshja Rama-Meta, sidomos në situatën delikate të përballjes me kushtet e kancelares Angela Merkel, ku u veçua kushti i zgjedhjeve të lira dhe të ndershme.
Discussion about this post