Çështja e bandave të Elbasanit po diskutohet shumë ditët e fundit, sidomos pas indidentit të pak ditëve më parë, ku një person godet makinëne policisë dhe bardhëblutë nuk bëjnë asgjë për ta ndaluar autorin.
Deputeti i Partisë Demokratike Gent Strazimiri ka reaguar mbi të gjitha edhe pas artikullit të publikuar nga analisti Mustafa Nano, i cili shkruante se kryeministrit Edi Rama i kanë dalë bandat jashtë kontrollit.
“Dmth nuk po i kontrollon dot më “Edi” qelbësirat që thirrët për “rilindje” në 2013-ën ëëë…?!
Nuk pranojnë të zbatojnë “Kodin e Etikës”? Nc nc nc! Shihni se mos bëni ndonjë seminar me OSBE se mbase i kontrolloni prapë…”, shkruan deputeti.
Mustafa Nano duket se me shkrimin e sotshëm ka bërë kthesën e madhe. Ai akuzon kryeministrit Edi Rama se situata me kriminelët ka dalë jashtë kontrollit.
E megjithatë ai duket se e justifikon kryeministrin për ç’ka ndodh tani dhe pas. Nano shkruan se Rama s’ka ç’bën pasi në ndryshim nga Berisha disa vite më parë Edi Rama dhe Co nuk e kanë më situatën në kontroll.
‘’ Edi Rama e Co. duhet ta kishin ditur se bashkëpunimi me krimin nuk të lejon më të kthehesh prapa. Duhej ta kishin ditur edhe nga shembulli i Sali Berishës, që e udhëhoqi Shqipërinë në një joint venture me krimin për më shumë se dy dekada. Veçse – duhet bërë ky saktësim i rëndësishëm – duke i mbajtur nën kontroll kriminelët.
Më saktë, duke i zgjidhur nga zinxhirët sa herë që atij ia donte puna t’i zgjidhte. Ndërsa Edi Ramës i kanë dalë nga kontrolli. Ai nuk ka bërë punë të ndyra me ta (duke përjashtuar përdorimin e tyre për qëllime elektorale; nuk kemi prova për këtë, as opozita nuk ka mundur të na japë asnjë provë, por merret me mend se ata kanë luajtur një rol në këtë histori)”, shkruan ndër të tjera Nano.
(D.D/Shuplaka)
