Në një kohë kur qeveria Rama është e palëkundur nga data 30 Qershor për mbajtjen e zgjedhjeve lokale, opozita e drejtuar nga Basha nuk do të qëndrojë në pritje, po do të mblidhet sot për të caktuar datën e re të protestës kombëtare.
Rreth orës 12:00 të mesditës së sotme Lulzim Basha do të takohet me aleatët opozitarë., ndërsa pasdite do të mbledhë organet drejtuese të partisë.
Gjatë mbledhjes së Krryesisë dhe ish-grupit parlamentar, do të diskutohet mbi protestën e radhës, por edhe mbi arrestimet e disa drejtuesve të lartë të PD-së pasi kanë protestuar kundër Edi Ramës.
Opozita do të vijojë protestat për largimin e kryeminsitrit Edi Rama, ndërsa dekretin e presidentit për anulimin e zgjedhjeve të 30 Qershorit e ka cilësuar si fitore të parë.
Presidenti Meta u shpreh sot se ai po bën të gjithë përpjekjet për të ulur palët në tavolinë, po derimë tani nuk ja kanë dalë. Edhe aleatët e vegjël të Lulzim Bashës gjatë takimeve që kanë pasur me presidentin nuk kanë dhënë një datë të re për zgjedhjet lokale, duke e lënë pezull këtë proces.
Duhet thënë se në një moment që palët janë shfaqur të pozicionuara në skajet më të larta të një marrëveshje, përplasja fizike në 30 Qershor duket e pashmangshme, sa kohë që na ndajnë më pak se 16 ditë nga mbajtja e zgjedhjeve.
(E.K/Faxweb.al)
