Deputeti socialist, Eduart Shalsi i ftuar në Ora News, duke komentuar protestën e opozitës tha se ajo i trembet Vettingut.
Për sa i takon deklaratës së kryetarit të PD-së, Lulzim Basha se Rama do të largojë Tahirin që të ndalen protestat, Shalsi u shpreh:
“Këto janë debate që e banalizojnë çështjen dhe nuk ia vlen fare të merresh. Përpara shqiptarëve kemi përgjegjësi. Debati zhvillohet në Parlament. Po braktisin jetën parlamentare për çfarë? Ka një komision që është ai i reformës zgjedhore. Kryeministri ka thënë se nëse jeni dakord me çfarë thotë OSBE/ODIHR, ejani t’i bëjmë realitet”.
Për qeverinë teknike deputeti socialist tha se kjo është të tallesh me shqiptarët.
“Unë do të doja që për shëndetin e demokracisë të kishim një opozitë të strukturuar dhe më të qartë dhe jo të udhëhequr nga protagonistët që e katandisën Shqipërinë në një derexhe që e veçuan nga bota”, tha ndër të tjera Shalsi. (M.D/ Shuplaka)
