Rama ka padit aktivisten e të Drejtave të Njeriut, Sevim Arbanën. Kjo padi, është bërë pasi në janar 2019 në emisionin “A Show” të Adi Krastës, aktivistja ka deklaruar se Rama ka pickuar një ministre në 2013.
Mësohet se Rama kërkon 10 milion lekë dëmshpërblim.
Sevim Arbana, në emision deklaroi se kryeministri Rama kishte ushtruar dhunë duke e pickuar ministren e kabinetit të tij në një aktivitet politik në një prej hoteleve të Tiranës.
Biseda në studio mes Sevim Arbanës dhe Adi Krastës:
Arbana: Unë kam parë skena që ia ka futur edhe me të pickuar një ministreje grua
Krasta: Ti e ke parë nga televizori apo e ke parë skenën?
Arbana: Jo, live
Krasta: Dhe je e bindur që është një pickim dhe nuk është një…kështu gjest
Arbana: Jo ishte pickim dhune, dhune, seç i shpëtoi asaj dhe tëk…tek Sheratoni ka qënë, qershor 2013
Krasta: E mblodhi ajo zonja mendjen?
Arbana: Asaj i dolën dy lot, kështu i ranë dhe e mblodhi veten pastaj se ishin një javë para zgjedhjeve.
