Rama para gazetarëve: Ajo që e ka bërë fushatën të çuditshme është futja e presidentit në fushatë!

”Ajo që e ka bërë fushatën të çuditshme është futja e presidentit në fushatë!”, ka komentuar kryeministri Edi Rama duke shenjëstruar Ilir Metën.

”Ajo që e ka bërë fushatën të çuditshme, është futja e presidentit në fushatë, unë nuk dua të bëj komente për këtë se fokusi janë njerëzit në këto ditë të mbetura.

Po të donim më shumë pushtet për vete, s’do ishim këtu!”, theksoi Rama.

”Fushata elektorale, të gjithë qytetarët e kanë parë, është fushata më e qetë, të paktën që kur mbaj mend unë, nga pikëpamja e retorikës, ndotja e mjedisit me postera dhe banera dhe fotografirash dhe karagjozllëqë në të shkuarën. Palët thumbohen, politizojnë, sigurisht e kalojnë edhe masën, por brenda normalitet të plotë.”, ka vazhduar më tej Rama.

Kurse për votimin e Vettingut Rama tha:

”Jam shumë i lehtësuar sot sepse të gjitha pengesat u kapërcyen, edhe njëherë u provua që diçkaje që i vjen koha nuk ka forcë që e ndal dhe vijon zbatimi i Reformës ku gjykatësit e korruptuar janë numëruar.

Gjykatësit dhe Prokurorët, të cilët do dalin të pastër në filtrin e Vettingut, nuk do ia kenë më për nder siç ka ndodhur në këtë çerekshekulli, jam i bindur që sot është çelur dera, porta e drejtësisë së re. Sigurisht do kërkojë kohën e vet, vullnet dhe një garant që është PS dhe këtë e them me forcë sepse që nga dita e parë ka vetëm një parti që nuk i ka bërë forcë që është PS. Përkundrazi, do duhet gardiani dhe prijësi në këtë proces që është PS.” (V.G/SHUPLAKA)