Kryeministri Edi Rama ka folur për mediat para mbledhjes së Komunitetit Politk Evropian në Granada të Spanjës. Rama u pyet dhe për ngjarjet në veri të Kosovës.
Ai u shpreh se lufta është një fjalë e madhe mes Kosovës dhe Serbisë, por gjithsesi duhen marrë masa për parandalimin e saj. Rama shpreson që dialogu të rikthehet dhe ka lëvizje që NATO po forcon misionin e KFOR në veri.
Edi Rama: “Lufta është një fjalë shumë e madhe, por para se të jetë vonë, masat duhen te merren dhe ne po ndjekim me detaje është shumë e rëndësishme që ka dëshirë dhe lëvizje që NATO të forcojë misionin e KFOR në veri.
Kufiri aty është transparent dhe ka mjete dhe trafik kriminal që ndodh aty dhe në të njëjtën kohë shpresojmë dialogu të rikthehet. Nuk ka diçka të tillë si anëtarësimi i klasit të dytë, siç jemi në këtë situata po, ka klasë të parë dhe klasë të dytë të evropianëve, evropianë që janë pjesë e BE dhe evropianë që janë jashtë BE.”
Në këtë mbledhje të liderëve evropian merr pjesë dhe presidenti i Ukrainës, Volodymyr Zelensky, së bashku me kryeministrin e Britanisë, Rishi Sunak.
