“Të hapë krahun kush nuk ka energji për të bërë të njëjtët kilometra që ka bërë për të mbërritur deri këtu, qofshin deputetë, ministra, kryetarë degësh. PS nuk është pronë ekskluzive e askujt“.
Kështu është shprehur kryeministri Rama në fjalën e tij në Kongresin e PS në përpjekje për të mbajtur ndezur apo stimuluar të vetët për të vijuar maratonën politike në ambicien që dhe ai vetë e bëri të qartë se dëshiron 800 mijë vota në zgjedhjet parlamentare të vitit 2021.
Një tjetër ‘sugjerim’ që Rama u bëri organizatave në rrethe ishte dhe rekrutimi i anëtarëve të kundërshtarëve duke i quajtur thjesht mure te panevojshme përkatësitë e mëparshme politike të votuesve.
“Sot kemi akoma mure për të mos pranuar njerëz të rinj. Jo se ky është me PD-në, jo se ky është me LSI-në. Ka nga ata ‘shefa’ që i mbajnë gjallë këto mure.
Ju doli keq juve që e latë partinë në dorën time?!!”, mikloi veten Rama, fjali e cila sigurisht u pasua me duartrokitje në sallë.
Discussion about this post