Në takimin elektoral sot në Xarrë të Sarandës, kryeministri Edi Rama u ndal tek Vangjel Dule që në këto zgjedhje shfaqet krahas PD-së. Ai u bëri thirrje banorëve që të mos votojnë Vangjel Dulen dhe as “Dashin e Havasë” duke iu referuar këtu Dashamir Tahirit.
Rama u shpreh se Partia Socialiste e nderoi Dulen si askush tjetër, por pas zgjedhjes nënkryetar kuvendi, ai dha dorëheqjen pas vendosjes në të njëjtin post të Shpëtim Idrizit, kjo për shkak se nuk bashkëjetonte dot me çamët.
“Si mund t’ia jepni votën Vangjel Dules? Mbeti vetëm Vangjeli që do karrigen në parlament. U nderua nga PS siç nuk është nderuar asnjë tjetër. U bë nënkryetar në Kuvendin e Shqipërisë, sapo u zgjodh Shpëtim Idrizi, dha dorëheqjen se nuk bashkëjetonte dot me çamët.
E tani na shfaqet me “Dashin e Havasë” e vjen dhe thotë “Unë me Dashin do bëjmë Republikën e re”. Asnjë votë Vangjel Dules, është vota më e pavlefshme, e një verbërie të pashoqe. 44 muaj kryeministër, ky njeri nuk u shfaq me një investim, të më dërgojë një zgjidhje për një problem.
Asnjëherë… vetëm në parlament për të nxitur sherr. Tani do votën nga minoriteti për Dashin e Havasë. Çamët duhet të votojnë Vangjelin që të marrin dhe dashin. Pra, këto janë parti qokash.”, u shpreh Rama.
(XH.A/SHUPLAKA)
Discussion about this post