Në një konferencë për shtyp me gazetarët nga qyteti i Fierit, kryeministri Edi Rama ka folur ndër të tjera për ndërtimin e inceneratorit në fshatin Verri dhe për marrëveshjen e kompaninë së re të rafinerisë së naftës me punëtorët për pagimin e detyrimeve të prapambetura
Kryeministri u shpreh se projekti i ndërtimit të inceneratorit në Fier do të realizohet dhe është i padiskutueshëm. Ai tha se është biseduar me banorët e Verrisë për këtë projekt dhe ka një dakordësim nga ana e tyre.
Në lidhje me pagesat e punëtorëve kryeministri u shpreh se ajo është një kompani private. Është një marrëdhënie mes dy kompanive private, sepse në fund të ditës, është çështje mes dy interesash private.
Ecuria e projektit të çdo investitori në rafirneri vjen me garancinë e furnizimit që vjen nga kompania ‘Bankers Petroleum’.
Kryeministri u shpreh shpresëplotë se marrëveshja do të përfundojë me sukses.
“Sido që të jetë puna”, tha ai, “punonjësit që janë të përfshirë në atë kompani do të trajtohen siç e meritojnë dhe do të ketë një kontratë që t’i garantojë. Është marrë dakordësia dhe fjala që kompania do të sigurojë marrëveshjen pavarëisht se është me pronarë të rinj.”
Kryeministri u shpreh gjithashtu se janë bërë përparime në lidhje me pageësn e papunësisë si dhe me statusin e naftëtarit.
“Shpresoj që ky proces të finalizojhet dhe puna të rifillojë. Por është një vatër vulnerabël dhe mund të shkaktojë probleme tek qëndrueshmëria e furnizimit. Ne e kemi në vëmendje edhe rrugën Fier-Seman si dhe Bypassin e Fierit. Është bërë thuajse gjysma dhe sipas marrëveshjes “Bankers Petroleum” duhet të finalizojë së shpejti gjysmën tjetër.” – tha Rama.
(E.L./Faxweb)
