Plot të reja ka qenë dalja e sotme e kryeministrit Rama për herë të parë pas pushimeve.
Kështu pas pothuajse konfirmimit që Bushati nuk do të jetë më në krye të Diplomacisë, Rama ka zbuluar dhe portofolin e ri që do ti shtohet qeverisë.
Qeveria e re tha ai do të ketë edhe një ministër shteti vetëm për shqiptarët jashtë atdheut. Pra ajo që përflitej prej kohësh kanë ndodhur, emigrantët jashtë vendit tashmë do të kenë përfaqësimin e tyre edhe në qeveri.
Rama po ashtu zbuloi edhe faktin tjetër se Qeveria e re do të ketë një numër më të vogël ministrish se qeveria që ishte katër vite më parë.
Rama gjatë fjalës së tij sot vendosi theksin që do të ketë diplomacia e jashtme në katër vitet e ardhshme: ekonomia dhe sjellja e investimeve të huaja në vend.
(E.K/SHUPLAKA)
