Gjatë këtyre dy ditëve të protestës së opozitës, mediat luajtën shumë me faktin që kryeministri Edi Rama nuk ndodhej në Shqipëri. Megjithatë, pasi u zbulua se Rama jo vetëm ka mbërritur në vend, por edhe është parë në një kafe, jo shumë larg selisë së kryeministrisë përballë së cilës po protestohet, ish-kryeministri Sali Berisha bën një koment tepër ironik.
“Më në fund doli nga vrima e miut ku ishte fshehur!”, shkruan Berisha në Facebook, ku ka publikuar edhe një fotomontazh tepër intrigues: Rama duke dalë nga kanalet e ujërave të zeza.
Gjatë këtyre ditëve, kreu i Qeverisë ndodhej në Kosovë, në kuadër të 9-vjetorit të pavarësisë së saj. Megjithatë ai e ka përfunduar vizitën treditore, dhe është kthyer në vend. Në një foto të publikuar nga “opinion.al”, kryeministri shihet duke pirë kafen e mëngjesit të së dielës, pak metra larg protestuesve që janë vendosur përballë Kryeministrisë. Ai shfaqet në shoqërinë e deputetit të PDIU-së Aqif Rakipi. (D.D/Shuplaka)
