Një tjetër çështje ku kryeministri e njëherazi kreu i PS-së u ndal, ishin dhe akuzat e opozitës, “Saliut dhe çetës së tij” për mosarrestimin e Klement Balilit, të cilësuar ndryshe si “Escobari i Ballkanit”.
Rama theksoi se Klement Balili do të arrestohet, vijon të jetë në kërkim krahasuar me mbi tre vjet më parë.
“Është shumë e ulët që të akuzosh ministrin e Brendshëm dhe Policinë e Shtetit pse nuk arrestohet dot një person i shumëkërkuar. Pse qenkemi me të ne? Pse dilet në Kuvend dhe thuhet kjo? Krimin dhe bosët e krimit i gjetëm këtu mes tyre. Klement Balili është në kërkim si shumë të tjerë në Amerikë, Itali dhe gjithë botën. Ndryshimi është i madh se deri dje ishte duke ngrënë mish qingji dhe duke dëgjuar çiftelinë me shefat e policisë. Kjo Shqipëri ishte, kur një zyrtar i lartë ishte i dënuar me pranga në dorë në “arrest shtëpie” dhe vazhdonte të ishte në postin e drejtorit.”, u shpreh Rama. (XH.A/SHUPLAKA)
