Kryeministri Edi Rama nuk i ka kursyer dhe kundërshtarët në fjalimin e tij gjatë hapjes së Asamblesë Kombëtare. Ai shprehet se personat që flasin “zi” për Tiranën dhe zhvillimet e bëra, janë njerëz që sipas Kryeministrit e duan të vdekur atë dhe Partinë Socialiste.
Rama vlerëson nga ana tjetër, kritikat e ndërkombëtareve, ku tregon se janë një shtysë për të ecur përpara me këmbë në tokë.
Turizmi është një sektor që Kryeministri ndihet krenar, duke e cilësuar si një zhvillim që do të arrijë kulmin deri në vitin 2030, ku përmend këtu dhe fluksin e këtij viti.
Edi Rama: Jo nuk jam fare i lumtur, por nuk mund të mos jem i gëzuar, pasi të gjitha këto site turistike ishin aty edhe më parë. Tirana dhe Shqipëria kanë hyrë në hartën turistike të botës, pa asnjë shpenzim për reklama dhe marketing. Për Tiranën flasin zi vetëm ata që mua dhe ju dhe këtë parti na duan të vdekur. Këta përqeshës gjuhëjashtë… Ndërsa miliona turistë vijnë të buzëqeshur nga kureshtja dhe, largohen të buzëqeshur nga mikpritja dhe nga hiret e këtij vendi të vogël. Mbeten të habitur dhe nga siguria, që ka qenë mbrësëlënëse.
Ata që na duan të vdekur mua dhe këtë forcë politike, dhe ata kompetentë të huaj që fajësojnë shqiptarët për problemet në shtetet e tyre, janë një shtysë thelbësore për të ecur përpara, por me këmbët në tokë.
Discussion about this post