Kryesocialisti Edi Rama ka vijuar ditën e sotme takimet në kuadër të fushatës elektorale për zgjedhjet e 11 Majit, duke zhvilluar një takim me gratë dhe vajzat e qarkut të Vlorës.
Takimi bëhet pjesë e një sere angazhimesh që Rama po zhvillon në çdo qark të vendit, ku po takon grupet e interesit dhe anëtarësinë e Partisë Socialiste, që janë aktivizuar për të mbështetur fushatën elektorale.
Gjatë këtij takimi, Rama ka ndarë edhe disa mendime rreth lobimit të PD-së në Shtetet e Bashkuara.
Ai ka komentuar shpenzimet e partisë opozitare për një lobim prej 6 milionë dollarësh, duke theksuar se ky shumë është e tepërt për të hequr damkën e një personi non grata. Kryeministri theksoi se kjo është një shifër e madhe për një përpjekje për të ndryshuar statusin e dikujt, veçanërisht kur është përfshirë një çështje kaq e ndjeshme.
Kryetari i PS-së vijon me optimizëm fushatën e tij në përpjekje për të fituar besimin e qytetarëve, duke u fokusuar në zhvillimin e mëtejshëm të vendit dhe mbështetjen e grupeve të ndryshme shoqërore në çdo qark të Shqipërisë.
