Kryeministri Rama ka reaguar për kandidimin e kreut te LSI për President. Rama tha në mënyrë sarkastike se tani me Metën President, për PD-në do të vijnë ditë të bardha për PD-në duke iu përgjigjur Bashës që tha se e sotmja ishte dita më e zezë.
“Tani që Meta bëhet President do të vijnë ditë të bardha për PD-në dhe të zeza për mua”, tha Rama me ironi.
“Nesër Meta zgjidhet president i Republikës me konsensusin tonë dhe LSI-së”, tha Rama.
“Sot unë jam shumë i qetë përpara shqiptarëve. Më njeri që është me PD-në po jo në PD se Ilir Meta nuk ka. Ai ka marrëdhënie të mira me të gjithë, flet me të gjithë. Me kalimin e kohës edhe PD-ja do ta kuptojë këtë. Meta është i prerë për të qenë me të gjithë dhe me asnjë”,-tha Rama.
Balla: Ka dashur Meta të jetë për President?
Rama: Meta po vjen si një emër i natyrshëm në këtë moment në të cilën ndodhet vendi.
Balla: Pse u duk sikur e kërcënuat sot?
Rama: Ka pasur një presion, Meta ka menduar gjithë kohës si të zgjidhet kjo, por ama ka një limit. Ne shkuam përtej, PS i bëri të gjitha. Kur patëm në tavolinë ato dy pika, Meta i pranoi menjëherë ndërsa unë nuk u shpreha. Meta edhe me negociatorët është negociator. (M.D/ Shuplaka)
