Kreu i Qeverisë, Edi Rama, ka shpërndarë një video ku flet për arritjet e qeverisë në fushën e Shëndetësisë dhe premisat për të ardhmen.
Që në fillim, kryeministri bën me dije se Shëndetësia vazhdon të ketë problem, por në sajë të reformave që janë ndërmarrë, padyshim që janë bërë hapa para.
Në video, ai shprehet se krahasuar me më parë kur mjeku i familjes u kushtonte 6 milionë dollar qytetarëve, prej një viti këto shpenzime përballohen nga shteti. “600 mijë shqiptarë pa sigurime, përfitojnë falas mjekun e familjes. 12 milionë dollar janë kursyer në dy vjet për familjet në nevojë. Buxheti 2017, një hap më tej në rrugën e vështirë të rilindjes së shëndetësisë.”, shprehet në vijim kryeministri.
Kujtojmë se shërbimi shëndetësor ka ngjallur vazhdimisht pakënaqësi, çka është shoqëruar me kritika të vazhdueshme ndaj ministrit Ilir Beqaj. Një ndër rastet më të rëndë, ishte ai në shtator të këtij viti, kur humën jetën Aida Çajka dhe foshnja e saj.
