Kryeministri Edi Rama ka qenë i pranishëm në qytetin e Beratit, ku së bashku me kopmpaninë SHELL është lidhur marrëveshja për kërkimin e naftës në bllokun katër.
Kjo kompani nis kërkimin edhe në Bllokun 4 dhe vijon programin e zbulimit të naftës, mbi bazën e pritshmërive të larta që jane krijuar nga kërkimet e deritanishme në Blloqet 2 dhe 3.
Në fjalën e tij kryeministri Rama mes të tjerash u shpreh që Shqipëria nuk është vetëm një vend i krimit siç thuhet në disa media europiane, po edhe vend i mundësive të mëdha.
“Shqipëria ka shumë resurse dhe nuk është vetëm vendi ku flitet për krimin e organizuar.
Prania e një kompanie si SHELL përbën një arsye më shumë për ta parë Shqipërinë jo ashtu siç përshkruhet nga media të caktuara në Europë, apo siç e dëshirojnë eksponentë të ndryshëm të forcave që nuk duan zgjeriminin e Europës, po një vend që mund të bëhet biznes. Shqipëria është një vend që ka ende shumë për t’u eksploruar, sidomos në fushën e naftës ”, u shpreh Rama.
Kujtojmë se SHELL është kompani hollandeze, shtet i cili jo pak herë ka shprehur rezerva në lidhje me heqjen e vizave për Shqipërinë.
(E.K/FAXWEB)
Discussion about this post