Sesioni i ri parlamentar që do të nisë sot pasdite ka vënë në lëvizje të dyja forcat politike, ndërsa PS-ja ka mbledhur mëngjesin e sotëm Kryesinë e Partisë Socialiste.
Mësohet se në kryesi do të rakordohen qëndrimet që do të mbajnë socialistët në Kuvend.
Sipas burimeve Kryesia do të marrë vendim për datën kur do të thirret Asambleja e PS-së, të zyrtarizojë një datë që ishte parashikuar si 7 shtatori në mbledhjen e fundit të qeverisë që u zhvillua në Vlorë.
Në mbledhje do të diskutohet strategjia e socialistëve për sesionin e ri parlamentar në kushtet kur qeveria gjendet përballë akuzave të forta të opozitës, të cilësuara prej kësaj të fundit si skandale të bashkëpunimit të qeverisë me krimin.
Po ashtu, pritet të ngrihet një grup strategjik për të organizuar zgjedhjet lokale i drejtuar nga deputetja Blerina Gjylameti. Dhe me anëtarë Bledi Çuçin dhe Taulant Ballën.
(E.K/FAXWEB.AL)
