Kryeministri Rama u është përgjigjur akuzave të opozitës në lidhje me përmbytjet në vend. Duke iu përgjigjur Edmond Spahos ai u shpreh se PD-ja nuk i la asgjë rezervave të shtetit duke marrë edhe orizin dhe groshet që gjendeshin aty.
“Profesor ju jeni nga ata që e dini se sa bëjnë shtatë herë shtatë e megjithatë ju numëroni siç thotë Partia dhe jo siç thotë tabela. E more me britma të mëdha sot dhe shumë gjëra që janë nën nivelin tënd, e përmbyte komplet rrjedhën e logjikës.
Fole këtu sikur sapo zbritët nga një anije kozmike e ardhur nga hëna. Nda unë them përherë që kur ju dëgjon juve pyet: pse sot erdhën këta?! A nuk ishit ju ata që thoni që ndërtimet pa leje janë mrekullia e tetë e botës?! Ju keni qenë këtu KUR Saliu thoshte që ndërtimi pa leje i një qyteti është mrekullia e tetë e botës?! Ndërtimin në lumë e sollët ju, e bëtë Shqipërinë rast unikal.
Vini flisni këtu për ndihma, ju ikët nga pushteti pasi hoqët të gjitha rezervat nga Emergjenca e Shtetit, hoqët groshën dhe orizin e bëtë pilaf për vete. Mirë pilafin dhe groshët e keni ushqim të preferuar, po me çizmet ç’patët. Ne nuk kemi kërkuar ndihma askujt, ne kemi pranuar çdo ndihmë që na është ofruar”, u shpreh Rama.
“Ushtarakët janë për t’u falenderuar por jo ju. Për mbytjet filluan që në shiu e parë. Por kjo nuk vlen për zyrëtarët dhe për ministrat, është e vështirë përmbytja kur je i përgatirut por 125 mijë njerëz pa ujë për disa ditë dhe pa shpërndarë ndihma. Kot mburreni është e turpshme të thoni këtu që i kemi kërkuar ndihma NATO-s. Çfarë shteti jeni ju mo që të na japi kuti NATO. Në 2015 ka qenë këtu në parlament dhe ka premtuar se nuk do të ketë përmbytje se gjoja ka bërë më shumë invesitme në këto vitet e fundit.
Ç’donin peshqit në autostradë, por u hapën rezervuarët pastaj. Faturat i paguajnë ata biznesmen dhe qeveritarë atje dhe këtu ne mburremi se i përballuan emergjencat. Duhet të shqetësohemi për ato 13 ura që u shembën. Investime tërësisht korruptive.”, u shpreh Spaho.
(E.K/FAXWEB)
