“Rama po bën një puç institucional, me spiunët po i kthen institucionet në një strukturë të stilit Maoist”

Demokrati Roland Bejko është shprehur se Edi Rama tashmë po bën “revolucionin kulturor Kinez”, dhe po bën një krim.

Sipas tij me metodat e Revolucionit Kulturor Kinez po bën “një puç institucional pasi ka rijuar grupe pune të tipit të kontrollit punëtor-fshatar që kryesohen nga deputetët socialistë, ka hapur një adresë shqipëriaqë[email protected] ku i fton qytetarët( militantët e partisë së vet) , të spiunojnë pranë Atij personalisht kundërshtarët politikë në administratë nën pretekstin se po lufton të paaftët dhe të korruptuarit”.

REAGIMI I PLOTË:

PUÇ INSTITUCIONAL

Ju kish marrë malli për revolucionin kulturor Kinez, për grupet e kontrollit punëtor-fshatar?

Ja tek e keni.

Prej disa ditësh para syve tanë, ditën me diell e natën me hënë a me drita Edi Rama po konsumon një krim.

Me metodat e Revolucionit Kulturor Kinez po bën një puç institucional. Ka krijuar grupe pune të tipit të kontrollit punëtor-fshatar që kryesohen nga deputetët socialistë, ka hapur një adresë shqipëriaqë[email protected] ku i fton qytetarët( militantët e partisë së vet) , të spiunojnë pranë Atij personalisht kundërshtarët politikë në administratë nën pretekstin se po lufton të paaftët dhe të korruptuarit.

Por në fakt, Edi Rama po i heq atributet DAP–it, Shkollës së Administratës Publike, Komitetit të Përhershëm të Pranimit dhe Komisionit Kombëtar të Përzgjedhjes së Nëpunësit Civil, po shkel Ligjin Nr.152/2013 mbi Nëpunësin Civil ( i ndryshuar), duke i zëvendësuar institucionet me revolucionarët Kuq e Zi të Partisë që në emër “Të Administratës që Duam” të largojë nga administrata të gjithë kundërshtarët e vet politikë dhe në vend të tyre, të emërojë militantët socialistë, ose mercenarët e blerë gjatë zgjedhjeve të fundit parlamentare.

Dikush mund të thotë që “punë e madhe, po largon militantët e LSI-së rekrutuar në administratë në mënyrë partiake dhe jo ligjore, pasi “demokratë” vështirë se ka mbetur njeri pa u larguar apo pa u rekrutuar gjatë katër viteve që përcollëm”.

Dakord, por një paligjshmëri e tillë nuk mund të luftohet me një tjetër paligjshmëri, për më tepër duke zëvendësuar institucionet përgjegjëse të shtetit me një strukturë partiake të stilit Maoist. Ndaleni (J.V/Shuplaka)