Deputeti i Partisë Demokratike Ervin Salianji në një deklaratë për mediat pas depozitimit të amandamentit për të bërë të mundur vetingun e politikanëve u shpreh se Rama po e refuzon atë.
Sipas tij diskutimi i sotëm u bë nëse Rama është pro apo kundër vetingut. Deputeti i PD tha se nuk ka negociata maxhorancë-opozitë.
“Ne kemi një plan të detajuar që do t’ju bëhet me dije sapo qeveria të shprehet nëse e do apo s’e do Vetingun e politikanëve. Ne kemi depozituar një projektligj që parashikon të gjithë ndryshimet Kushtetuese për vetingun e politikanëve të sotëm.
Do të bëhet hap pas hapi gjithë diskutimi. Do tu bëhet me dije sapo qeveria të shprehet nëse do apo jo.
Rama dhe Partia Socialiste po refuzon vetingun në politikë. Ne jemi duke e detajuar në mënyrë të plotë të gjithë platformën tonë për të larguar personat e inkriminuar nga funksionet publike. Edi Rama nuk e do vetingun në politikë.
Ne sot kemi diskutuar nëse Partia Socialiste është dakord, një Po ose Jo për vetingun në politikë. Do të bëhet hap pas hapi gjithë diskutimi. Nuk ka negociata, vetëm po ose jo”.
Discussion about this post