Kryeministri i vendit, Edi Rama ka dalë në një konferencë për të bërë shpalljen e planit ekonomik të qeverisë për përballimin e situatës me koronavirusin, ndërsa në nisje të fjalës së tij tha se bota u gjend ‘gafil’ përballë një armiku të panjohur si kjo që po kalon.
Kryeministri ka bërë apel mjaft të fortë dhe të drejtëpërdrejtë që sipas tij kjo është një luftë në të cilë ose të gjithë bashkë mund t’ia dalim ose të gjithë mund të përfundojmë në greminë.
“Kjo është e para luftë ku kazerma e ushtrisë shtëpia, duhet të mbyllemi të gjithë. Është një luftë botërore ku të gjithë janë në vete dhe Zoti mbetet i vetmi për të gjithë. Mbajeni mendjen bashkë me mua se o të gjithë luftojmë bashkë o të gjithë bashkë do të biem në humnerë ku si në zonën e Bergamos do të rreshtohemi si kufoma kur s’do të ketë kush të na varrosë e jo më të na qajë.
Pikërisht se jemi me të vegjël se ata ne vrapuam më shpejt për t’u mbyllur në shtëpi derisa ky armik të shporret nga vendi ynë. Nuk e di askush se kur do të vijë dita e çlirimit nga ky makth, kur të kalojnë dy javë do të thmei duhen edhe dy të tjera. Mos më kërkoni t’ju them iluzione apo t’ju them fjalë të vogla. Shtrëngoni dhëmbet dhe përgatisni veten dhe ndajeni mendjen, që kjo luftë nuk ka ardhur për t’u mbyllur në shtëpi, të hamë dhe të pimë, dhe të presim prej qeverisë të na sjellë gjithçka. Kjo është e para luftë në historinë e njerëzimit që e ka bërë botën nuse dhe nuk dëgjiohet asnjë krisme e nuk vritet asnjë ushtar. Luftërat nuk vijnë për ta bërë detin kos, por bashkë me rrezikun e plagosjes së rëndë të vdekjeve njerëzore“, tha Rama.
(F.GJ/FAXWEB.AL)
Discussion about this post