Kryeministri Rama gjatë konsultimit publik për buxhetin dhe paketën fiskale 2018 në Fier ka paralajmëruar bisnesin e vogël se do të përfshihet në TVSH.
Tatimi mbi vlerën e shtuar do të shtrihet mbi të gjithë biznesin e vogël.
“Do t’i kërkojmë biznesit të vogël të bëhet pjesë e luftës kundër informalitetit. Të gjitha subjektet, edhe subjektet e biznesit të vogël do të përfshihen në TVSH. Nuk është e vërtetë që do të ketë rritje taksash për biznesin e vogël. Ne e kemi bërë zero dhe do të vazhdojë të mbetet zero. Ne do ta përfshijmë në regjimin e TVSH, por kjo nuk do të thotë se do të ketë rritje taksash. Çdo biznes i vogël do të sillet në mënyrë të strukturuar”, tha Rama.
Deri tani bizneset e vogla nuk kanë qenë pjesë e skemës por lëshonin një faturë tatimore për çdo blerës të tatueshëm që merr furnizimin. Ndersa për çdo blerës individ konsumator final, është i detyruar të lëshojë kupon tatimor nga pajisja fiskale.
Mbetet për t’u parë se cilat do të jenë pasojat e këtij vendimi të qeverisë pasi biznesi i vogël duket të jetë i papërgatitur për nja hap të tillë. Për qeverinë kjo nuk do të thotë rritje taksash por është luftë kundër informalitetit. (B.H/Shuplaka)
