Kryeministri Edi Rama priti në një takim ditën e sotme kryeministrin e Portugalisë, Antonio Costa.
Rama njofton se së bashku me homologun portugez diskutuan mbi projekte digjitale, modelet e Inteligjencës Artificiale që po zhvillojnë dy qeveritë.
Nga ana tjetër, Rama thotë se do të dërgohet në Portugali një ekip ekspertësh për të vëzhguar nga afër programin transformues të qeverisë portugeze për banesat sociale.
Postimi i Ramës në Facebook:
Kryeministria – Kënaqësi e posaçme vizita sot e Kryeministrit të Portugalisë, António Costa, reformatori i mirënjohur e i shumëvlerësuar, me të cilin diskutuam edhe për projektet inovative digjitale, modelet e Inteligjencës Artificiale që po zhvillojnë qeveritë tona, si dhe programin transformues të qeverisë portugeze për banesat sociale, për të cilin do të çojmë një ekip ekspertësh në Portugali
