Kryeministri Edi Rama ka nisur një takim në Ministrinë e Brendshme për të folur mbi arritjet dhe punën e kësaj Ministrie. Padyshim që si në çdo sferë tjetër është bërë e zakonshme që Rama të përmend shprehjen që ‘ka akoma punë për të bërë’.
Ai ka prezantuar Ministrin e Ri që ka marrë këtë detyrë Fatmir Xhafajn pas shkarkimit të Tahirit.
‘’Në Ministrinë e Brendshme. Shumë është bërë. Më shumë mbetet për t’u bërë. Policia që duam për Shqipërinë që duam. Policia e Shtetit është sot institucioni më i besueshëm në vend.
Kjo dëshmohet në shumë drejtime duke filluar nga rritja eskponenciale e telefonatave në drejtim të urgjencave apo shkarkimet në aplikacione të komisariatit dixhital.
Jemi të vendosur të bëjmë përpara sidomos kur shohim reagimin e qyetarëve për shqetësimet që kemi. Sfidat janë të mëdha dhe sidomos në një fushë që është shkatërrimi i kultivimit të kanabisit. Ne kemi të gjitha arsyet që të konsiderojmë 2017 vitin që i vë kapak kësaj historie që nuk ka nisur në vitin 2013.
Puna e nisur në të gjithë territorin për ndalimin e kultivimit të kanabisit dhe zbritja deri në përgjegjësi personale për çdo polic përbën një të dhënë inkurajuese dhe një shtysë që në vjeshtën e këtij viti ne të dalim ballëlartë nga ky fenomen.
Të sjellë nga e kaluara dhe të zhvilluar në vite. Nuk duhet të lejojmë as në këtë fazë zgjedhjesh që të ketë rritje të prerjes së pyejeve apo tentativave për tiu kthyer pas së shkuarës. Ka një numër më të ulët të vrasjeve se 25 vitet e fundit. Ka një numër shumë të lartë parandalimesh, po vrasja përbën lajm dhe jo parandalimi.
Jam i bindur se ministri i Ri do të vijojë procesin e reformimit të policisë. Si kryetar i Komisionit të Ligjeve ai ka dhënë kountributin e tij.
Ministri i Ri do të fokusohet te Akademia e Policisë, duke e reformuar atë dhe duke rritur nivelin e arsimimit. ’’, deklaroi Kryeministri.
(E.K/SHUPLAKA)
Discussion about this post