Kryeministri Edi Rama ka qenë së fundmi i pranishëm në takimin e zhvilluar mbi programin e bazuar mbi partneritetin publik-privat, që sipas tij do të ketë një sërë përfitimesh për shtetin.
“Ky program është përgatitur duke dialoguar qoftë me bankat, sipërmarrjen, ekspertë vendas dhe të huaj për sisteme të ngjashme financimi të infrastrukturës publike. Ka një listë projektesh, një pjesë e tyre ne i disponojmë, një pjesë tjetër duhen konceptuar dhe duhen hartuar. Bazohen mbi një listë prioritare. Synojmë që me këtë program të adresojmë disa probleme të rëndësishme të infrastrukturës rrugore nacionale, të zonave turistike.
Pjesë e këtij programi është dhe debati për të cilin ka nisur procedura. Synojmë që të financojmë përmirësimin e infrastrukturës në zonat me zhvillim intensive bujqësor dhe padyshim kur vjen fjala tek arsimi ka një rëndësinë themelore. Na jep mundësinë që të ndërtojmë një numër shkollash që me kushtet e financimit të shtetit do kërkonin vite e vite të tëra. Synojmë të ndërtojmë 6 shkolla ekselence të reja për arsimin profesional, afro 100 shkolla të tjera.”, u shpreh fillimisht kreu i qeverisë duke u përqëndruar në përfitmimet e programit në arsim.
Më tej, kreu i Qeverisë u përqëndrua dhe tek përfitimet e programit në shëndetësi. Ai theksoi se programi do të sjellë rritje të punësimit:
“Synojmë ndërtimin e spitalit ekslence rajonal në Fier dhe 10 qendrave shëndetësore. Dua të nënvizoj që për këtë proces dhe përfshirje masive me mbështetje të një program kombëtar për infrastrukturën publike, përsëri qytetarët nuk do të paguajnë asgjë ekstra.
Kemi trashëguar një trashëgimi të vështirë që i kemi dhënë fund. Bazohemi vetëm në planifikimin buxhetor të Republikës së Shqipërisë në vite, për të reaguar me një financim më të shpejtë. Duke bërë të mundur financimin mbi 1 miliard dollarë në vit për investime publike dhe duke garantuar që të mos kemi asnjë luhatje. Vlen të theksohet se në këtë program do të ketë një hapësirë të re për rritje të ndjeshme të punësimit.”
Kryeministri u shpreh më tej se në sajë të këtij programi synohet rritje e ndjeshme e ekonomisë, që do të sjellë një tjetër impakt.
“Do të sigurojë të ardhura të reja për buxhetin e shtetit si pasojë e detyrimeve që do të vilen nga këto projekte dhe do të bëjë të mundur ambicien e madhe të ditës së parë. Nuk po ekzagjeroj në projeksionet e arsyeshme të specialistëve tanë. Ajo që mbetet e rëndësishme dhe e sigurtë për sa më takon, është të kalojmë një rritje mbi 5% që do të ketë një impakt shumë më të ndjeshëm që do t’i japë një impuls tjetër.
Dua të nënvizoj shumë shkurtimisht për të gjithë ata që duan të dëgjojnë në opinionin publik se në 3-mujorin e parë të 2016-ës jo vetëm është rritur numri vendeve që mbështeten tek partneriteti publik-privat por janë firmosur një numër i madh kontratash.
Tre autostrada të mëdha në Gjermani, Francë, Sllovaki, një ndër bazat më të mëdha ushtarake në Britaninë e Madhe janë projekte të miratuara së fundmi mbi këtë partneritet.”, tha Rama. (XH.A/SHUPLAKA)
Discussion about this post