Ditën e djeshme Edi Rama ka publikuar një foto ku shfaqej Lulzim Basha dhe Halim Kosova pranë një elefandi, ku ky i fundit në këtë foto montazh kishte futur kokën në prapanicën e kësaj kafshe.
“Halim Kosova i bashkohet kërkimit të PD-së për kandidatë”, shkruante Rama për këtë foto. Por sot nga Vau i Dejës i është kundërpërgjigjur Basha duke theksuar se nuk ia merrte mendja që ai do të nxirrte prapanicën e elefantit. Sipas Bashës, Rama do të bëjë fushatë me prapanicën e elefantit.
“Nuk ma merrte mendja që ai do të nxirrte prapanicën e elefantit. Me prapanicën e elefantit kërkon të bëjë fushatë por jo. Zogu, zogu dorën te xhepi ky është teatri i kukullave. Edi Rama e ka mbajtur 4 vjet popullin, por vetëm me batuta por vetëm me estradë, por vetmëm me palma dhe fasadë dhe asnjë nuk ka bërë”, u shpreh Basha. (J.V/Shuplaka)
