Pas publikimit të problematikave të qytetarëve për Tiranën nga ana e kryeministrit Rama, Petrit Vasili nga LSI ka një koment në lidhje me situatën. Ai thotë se tashmë që kryeministri është kthyer nga pushimet duhet që të informohet.
Duke hequr paralelizma me periudhën komuniste Vasili thotë se njësoj si atëherë që byroja politike nuk e dinte që populli hante me tollona edhe sot kryeministri Rama nuk e di që Tirana ka papunësi dhe infrastruktura është copë-copë.
STATUSI I VASILIT:
Kryeministri u kthye nga emigracioni, informojeni…
Para viteve 90′ shokët e byrosë politike nuk e dinin që populli hante bukë me tollon dhe varfëria ishte kthyer në mjerim.
Sot, kryeministri ynë, njësoj si shokët e byrosë vetëm tani mori vesh që Tirana ka papunësi dhe infrastruktura është copë-copë.
Qytetarët prej katër vitesh dinë edhe shumë më shumë se ai:
-që Tirana vuan dhe për ujë;
-që dhjetra rrugë e trotuare edhe në zemër të Tiranës janë për turp;
-që në dhjetra qoshe, sheshe e rrugë shpërndahet drogë;
-që përpara çdo shkolle ka qindra prindër e gjyshër që presin fëmijët se s’ka siguri;
-që dhjetra shkolla s’kanë ngrohje etj etj.
Kryeministrit i duhet çuar haber më shpesh për çfarë ç’ndodh në Shqipëri pasi ai nuk ndodhet këtu, ndaj dëgjesat, alias dënglat, bëjani pa kursim që të njohë Tiranën tonë të paktën, se Shqipëria tjetër është larg shumë…
(E.K/SHUPLAKA)
Discussion about this post