Ambasadori spanjoll në Shqipëri, Vicente Canelles reagoi ndaj videos së publikuar nga kryeministrit shqiptar, Edi Rama.
Në video shihet policia teksa dhunon barbarisht disa protestues, dhe Rama u referua se video është filmuar në Spanjë, një vend shumë i goditur nga koronavirusi. Rama paralajmëroi qytetarët se do përdorë edhe ai të njëjtën dhunë.
Por më vonë u mësua se videoja është bërë gjatë një proteste antiqeveritare në Algjeri dhe nuk ka lidhje me Spanjën.
Pas këtij skandali, në faqen e Edi Ramës reagoi edhe ambasadori spanjoll.
‘Megjithëse Ambasada e Spanjës është krejtësisht dakord me rekomandimet e Kryeministrit mbi nevojat e respektimit të masave kufizuese për të mirën e shëndetit të të gjithëve, më vjen shumë keq që janë shpërndarë disa imazhe që nuk kanë të bëjnë fare me Spanjën’, thotë ambasadori.
Discussion about this post