Kryeministri Rama bëri publike sot listën me 10 prioritetet e ardhshme të qeverisjes së tij. Sipas kryeministrit këto ishin propozimet e qytetarëve.
Po analisti Lutfi Dervishi i bën Ramës diferencën se nga ndryshon një lider nga një njeri i zakonshëm. Duke bërë paralelizimin me shpikësin e makinave, Dervishi thotë se pavarësisht se njerëzit i kërkuan Fordit kuaj më të shpejtë ai ofroi atyre makinave.
Dhe Ramës i propozon që pavarësisht se qytetarët nuk kanë kërkuar transparencën në financimin e partive politike dhe fushatave zgjedhore, ose dënimin e korrupsionit të zyrtarëve të lartë, ose hapjen e negociatave me BE-në, ose sigurinë ushqimore një lider vizionar duhet tiua ofronte.
“Kuajt dhe makinat!Kryeministri ka bërë publik sot një raport përmbledhës që rendit çështjet që shqiptarët kërkojnë për zgjidhe në mandatin e dytë.
Henry Ford, thoshte: po të kisha pyetur se çfarë do të donin njerëzit, sigurisht përgjigja do të ishte: kuaj më të shpejtë.
Një lider, është lider edhe pse ka nuhatjen për t’u ofruar njerëzve diçka që atyre as u shkon ndërmend.
Për shembull komentuesit për mandatin e dytë nuk e kanë konsideruar prioritet: transparencën në financimin e partive politike dhe fushatave zgjedhore, ose dënimin e korrupsionit të zyrtarëve të lartë, ose hapjen e negociatave me BE-në, ose sigurinë ushqimore, ose….
Njerëzit kur pyeten kërkojnë “kuaj më të shpejtë!”. Liderët novatorë u ofrojnë “makina””, shkruan Dervishi. (E.K/SHUPLAKA)
