Kryeministri Edi Rama këtë mëngjes është zgjuar me mendimet tek Pazari i Ri i rikonstruktuar, që u inaugurua ditën e djeshme.
Që në mëngjes herët, Rama i është futur kërkimit në fotografitë e vjetra dhe ka publikuar një të Pazarit të Ri të vitit 1939 dhe bashkëngjitur saj ka publikuar edhe një fotografi të realizuar vetëm një ditë më parë.
“Mirëmëngjes dhe ju uroj ditë të mbarë me këtë imazh.
Pazari ri në 1939 dhe mbrëmë”, shkruan Rama krahas fotove të publikuara.
Një ditë më parë Rama u shpreh se për rikonstruksionin ka vendosur vota e popullit, ndërkohë që shton se politika është e lodhshme dhe e mërzitshme.
“Ju e dëgjoni shpesh dhe e thoni shpesh që sa e lodhshme e mërzitshme, është politika. Gjykatësit dhe prokurorët e korruptuar ja kanë nxirrë jetën këtij vendi dhe kanë përfituar nga politikanët e korruptuar, i cili nuk është pushteti që shihni çdo ditë në televizor, nuk është si ata që mblidhen si analistë dhe bëhen si fallxhore. Por është ai pushtet që drejtësia shitet si patatja si qepa eshumë produkte që tregtohen këtu.
Unë nuk dua sot të marr kohën që i takon kryetarit të bashkisë. Ky është një projekt i udhëhequr me përkushtim. Dua ta mbyll duke ju thënë shumë shkurtimisht dhe shumë qartësisht që të gjithë si ta kuptojnë sot që janë ata njerëzit e zakonshëm që me votën e tyre kanë vendosur që ky projekt të realizohej.”, tha Rama ditën e inaugurimit të Pazarit të Ri të rikonstruktuar. (D.D/Shuplaka)
Discussion about this post