Studentët prej 7 ditësh protestojnë para Ministrisë së Arsimit, ku kanë adresuar 8 kërkesat e tyre, mes të cilave edhe përgjysmim tarifash dhe heqjen e tarifës për përsëritësit.
Kryeministri Edi Rama, dje zhvilloi në “Facebook Live” një ‘Dialog me studentët’, por ata që protestonin para Ministrisë refuzuan çdolloj dialogu, ndërsa mediet publikuan mesazhe të cilat u ishin dërguar anëtarëve të FRESSH, ku u kërkohej të komentonin si studentë.
Ndërkohë që në datën 8 dhjetor Gent Strazimiri shkruante: “Djalli fle në detaje!!!
Në 35 ditë të protestës së banorëve të Unazës së Re, policia ka bërë mbi 100 shoqërime djemsh, vajzash, burrash e grash, për “organizim proteste të paligjshme”, “bllokim rruge” etj.
3 prej tyre janë ende në burg!
Këta “qorrat” dhe “griseldët” e vegjël, që i nxirrni në ekrane si “organizatorët” e protestës kundër qeverisë por jo kundër Kryeministrit, kundër Bashkisë por jo kundër Kryebashkiakut, keni “harruar” t’i shoqëroni në polici, a t’i arrestoni njësoj si banorët e Unazës, për të njejtin “nen” si banorët e Unazës…
Apo s’ka qenë ashtu pazari?”
Pas 3 ditësh Kryeministri ka reaguar, ndërsa shkruan se deputeti demokrat ka kërkuar arrestimin e studentëve që nuk duan në protestë militantë të PD.
Ai shkruan në Twitter: “Interesant! Kadri Strazimiri(ai i kobures tek lodrat e liqenit) kërkon arrestimin e studentëve që s’duan militantët e PD në protestë, e u adreson fyerje lumë pse përzënë “të vobektit” që u çon Kadri Kamza për tarifat e shkencës?Qimet i kanë lënë po zakoni u del veç me shpirtin?”
(B.B/ Faxweb.al)
