Ditën e 10-vjetorit të pavarësisë së Kosovës, sekretari i përgjithshëm dhe deputeti i LSI-së, Luan Rama, ka zgjedhur ta përkujtojë duke postuar në faqen e vet në Facebook, një video ku ai reciton fragment nga poema “Moj Kosovë, moj legjendare” e shkruar nga Jak Gjin Tuci, në prill të vitit 1981.
Videoja ku deputeti i LSI reciton fragmentin është marrë nga një dasmë në verë të vitit 2017, siç shkruan ai, në shtëpinë e shehut të Buzëmadhes në Kukës.
“Për të mbërritur në Kosovën e lirë, në Kosovën e pavarur,” – shkruan Rama, – “është dashur të bëhen sakrifica nga më sublimet; mbi një shekull luftë, është derdhur gjak me okë, mijëra bija e bij shqiptarë janë flijuar në themelet e pavarësisë së Kosovës.”
(E.L./Faxweb.al)
