Edhe postimi më i fundit i kryeministrit Edi Rama në “Facebook” është shoqëruar me replika, nota ironizuese në përgjigjet që ai u ka dhënë disa prej komentuesve.
Duke iu referuar deklaratave të Lulzim Bashës se qeveria po i lë majë shtyllave punonjësit e OSHEE-së që të ngrijnë, Rama ironizoi se në programin elektoral të Partisë Demokratike parashikohen kaloriferë në çdo shtyllë.
E sigurisht reagimet e qytetarëve nuk vonuan. Një komentuesi që kërkoi që Rama të mos merret me tallje, por me hallet e njerëzve që po i mbyt varfëria e po i ngrin acari, kreu i Qeverisë iu përgjigj ndër të tjera: Ky është realiteti i dhimbshëm opozitar. Mos u shqetëso se vendi ka zot!”
Një tjetër replikë ishte ajo me një qytetar që iu drejtua me fjalët: “Kjo opozitë e mbaruar po të mban në pushtet”. “Jo jo jo, në pushtet më mban detyra”, përgjigjet kryeministri.
Nuk ka munguar dhe ironia e humori kundrejt një komentuesi, me të cilin Rama u kap pas mbiemrit. “Matrapiku, gje një mbiemër tjetër që të jesh më i besueshëm”, tallet Edi Rama. (XH..A/SHUPLAKA)
[ngg_images source=”galleries” container_ids=”694″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
