”Rama shet drogë”, gazeta më e madhe serbe zë gjithë faqen e parë me foton e kryeministrit

Akuzat e kreut të opozitës Basha ndaj kryeministrit Rama në lidhje me drogën duket se ka marrë dhenë dhe në rajon.

Gazeta më e madhe serbe ‘’Kurir’’ e ka hapur faqen e parë sot me titullin ‘’Rama shet drogë’’, shoqëruar me foton e kryeministrit.

Duke iu referuar situatës në Shqipëri ‘’Kurir’’ vijon më tej duke thënë se e gjitha kjo situatë në Shqipëri ka arritur në pikën e vlimit.

‘’Njeriu i parë i Shqipërisë miraton kultivimin e opiumeve dhe përdorimin e mjeteve të fituara nga shtija e narkotikëve për të manipuluar zgjedhjet. Një pjesë e këtyre parave e jep për financimin e mediave, pohon opozita, e cila prej muajsh kërkon largimin e Edi Ramës. Kryeministri shpërndan drogë, dhe paratë e fituara i përdor për manipulimin e zgjedhjeve, pohon Lulzim Basha, lideri i Partisë opozitare demokratike”, shkruan tabloidi më i madh serb “Kurir”.

Në fakt nuk është hera e parë që mediat serbe sulmojnë kryeministrin Rama. Ai ka qenë në shënjestër të tyre edhe pas deklaratave se Shqipëria do të bashkohet me Kosovën në rast se BE-ja nuk hap dyert e Integrimit. (E.K/SHUPLAKA)