“Do u fik kamerat për të transmetuar të gjitha vetë”, kjo do të ishte deklarata më e sinqertë e bërë nga ana e kryeministrit Rama, në këto ditë të trishta që kanë pllakosur vendin, teksa 50 qytetarë kanë humbur jetën si pasojë e tërmetit që shkundi Shqipërinë, mëngjesin e kësaj të martë.
Pavarësisht se kërcënon gazetarët se po ndjellin panik me lajmet e tyre, madje ka shkuar deri aty sa mëngjesin e sotëm ka arrestuar një qytetare të frikësuar, në kanalin e tij në Facebook, se ka aspak për problem që të transmetojë pamje të rënda nga ceremonia mortore e viktimave në Thumanë.
Jo vetëm kaq, është kujdesur deri në detaje që të gjithën ta transmetojë live, duke marrë me vete dhe moderatoren e ERTV-së Anjeza Maja, e cila njësoj si shefi i saj s’e ka pasur në mend që të veshë rrobat e zisë, në nderim të traditave të shqiptarëve.
Moderatorja ka veshur një pallto të bardhë, me siguri nga firmat më të shtrenjat, ndërsa shihet e fokusuar tërësisht në celularin e saj, për të nxjerrë live homazhet, që të tregohet se qeveria ndodhet aty pranë banorëve.
Vetë Rama zgjodhi të mos i ndërronte tutat e tij, me të cilën po fiton famë ndërkombëtare, shihni pamjet e mëposhtme të Fax News:
Te live i ERTV-së nuk mund të shohim padyshim, arsyet se pse 22 viktimat e Thumanës, anëtarë të tërë familjesh jetonin ende në një pallat me dëme mjaft serioze që nga tërmeti i 21 Shtatorit, dhe ishte konstatuarqë një pjesë e tyre ishin të pabanueshme.
Në ceremoninë mortore që po mbahet për familjet Cara, Gregu dhe Vata në Thumanë nuk kanë munguar as lotët e zëvendësministrit Erion Braçe, i cili hera herës dukej se kishte marrë dhe rolin e të zotit të shtëpisë, duke orientuar njerëzit.
Ndërkohë po dje thirrjet e AMA-s që fëmijët duhet të mbahen larg ekraneve, nuk ranë aspak në veshin e ministrit të brendshëm Sandër Lleshaj, i cili u shfaq si mirëbërës në një prej vendeve të grumbullimit të të prekurve nga tërmeti.
Në këtë tërmet, ku njerëzit më shumë se kurrë u bënë bashkë dhe solidarë mes tyre, roli i shtetit ka rënë, madje ndihma më shumë janë mbledhur nga shqiptarët e diasporës, sesa nga e-albania, i vetmi kanal për mbledhjen e ndihmave nga ana e qeverisë.
Dhe me këtë fakt, nuk është pajtuar aspak Edi Rama, të cilin e shohim sot sa me një varrim, dhe sa tek një person në nevojë, dhe darkave kryesisht edhe pranë disa mediave qeveritare, tek të cilat dihet që nuk do të pyetet në lidhje me fondet e emergjencave që mungojnë, apo për seriozitetin me të cilën është përballur kjo fatkeqësi.
Procedimet, apo dhe kërcënimet për mbyllje derimë tani nuk ia kanë dalë që të frikësojnë mediat, pasi të paktën këtë herë ato kanë qenë vetëm në njërën anë, në atë të publikut, ku është transmetuar çdo zë në nevojë, çdo person që e ka kaluar natën nën shi, dhe çdo ndihmë e dhënë nga dashamirësit e Shqipërisë anekënd botës.
(E.K/Faxweb.al)
Discussion about this post