Ogerta Manastirlliu tashmë e larguar në drejtim të Ministrisë së Shëndetësisë është zëvendësuar në këtë post nga Enkel Joti, ish-drejtori i ‘Top-Channel’. Duhet thënë se Joti vjen nga sektori i ekonomisë dhe menaxhimit.
Vetë Manastirlliu gjatë prezantimit është shprehur se ka besim në vlerat menaxheriale të Jotit.
Ndryshimi i kryministrit Rama në qeverisje duket se do të sjellë ‘favore’ dhe vende të reja pune për disa persona të tjerë në poste kyçe mjaft të rëndësishme.
Joti është larguar nga drejtimi i Top Channel-it pas qëndrimit më shumë se një dekadë në këtë pozicion. Ai ka qenë një nga njerëzit më të besuar të pronarit të ‘TCH’ që tashmë nuk jeton më Dritan Hoxha.
Më parë Joti ishte përfolur për të marrë postin e Drejtorit të TVSH-së.
SKEMA:
Ditën e sotme ndërkohë që kryeministri po prezanton minisitrin e Brendshëm një tjetër lajm mjaft i rëndësishëm po qarkullon në media.
Emërimi i drejtorit të ri të QSUT-së pas largimit të Ogerta Manastirlliut në drejtim të Ministrisë së Shëndetësisë.
Po në fakt nëse kërkon pak për Enkeled Jotin emri dhe karriera e tij për më shumë se një dekadë lidhen me drejtimin e televizionit ‘Top Chanel’ në rolin e drejtorit. Joti është larguar nga ky post më pak se dy vite më parë.
Në fakt me profesion ekonomist Joti në pamje të parë nuk duket të ketë një lidhje të afërt me Shëndetësinë.
Sipas burimeve të ‘Shuplakës’ emri i Jotit edhe më parë kishte dalë në skenë për postin e drejtorit të përgjithshëm në TVSH, po që nuk u realizua.
Më parë të tjerë ish-drejtorë në ‘Top Channel’ kanë marrë poste të tjera dhe duken në një lidhje të afërt me qeverinë Rama.
Nuk dihet nëse kjo është rastësi apo secili prej tyre kanë ditur t’a tregojnë veten në televizionin ku kanë punuar.
Gentian Sala ish-drejtor në ‘TCH’ dhe ‘Digitalb’’ është emëruar në krye të AMA-së me votim në Kuvend. Edhe ky një vendim i kontestuar nga opozita.
Rezart Aga nga ‘TCH’ drejtor te TVSH-ja ku ka marrë me vete edhe stafin që punonte në televizionin e mëparshëm si shefa montazhi apo gazetarë.
Bledar Zaganjori nga ‘TCH’ drejtor i informacionit në Tvsh.
Duket se qeveria Rama po përdor një formë të njëjtë si qeveria Berisha me Petrit Becin. Beci u largua nga ‘TV KLAN’ drejt TVSH-së. (E.K/SHUPLAKA)
