Edi Rama shpotit Lulzim Bashën me 2 rreshta status këtë mesditë. Pasi kreu i PD-së ka shpërndarë fotot e takimit me Merkelin gjatë kongresit të CDU-së, Rama ironizon Bashën lidhur me gabimet në përkthim.
”Gënjej unë, gënjen BE, gënjejnë SHBA, gënjejnë të gjithë veç Lulit e PD që janë i vetmi përkthyes besnik i të vërtetave të këtij vendi”, shpotit kryeministri.
”E falenderova zonjën Merkel për ndihmën ndaj Shqipërisë dhe shpreha nevojën që ka vendi ynë për mbështetjen gjermane jo vetëm për integrimin në BE, për edhe për të luftuar krimin, korrupsionin dhe për të garantuar demokracinë në vend.
Dua t’i siguroj të gjithë shqiptarët se mbështetja e Kancelares Merkel për Shqipërinë dhe shqiptarët do të jetë e palëkundur.”, shkruan Basha pë takimin me Merkelin.
Ditën e sotme edhe ambasadori amerikan Donald Lu dha shenja afrimiteti me ish-kryeministrin Sali Berisha, duke iu referuar lidhur me mendimin e tij për rolin e Komisionit të Venecias në Reformën në Drejtësi.
